4?
7-i                  TESTAMENTS ENREGISTRÉS AU PARLEMENT DE PARIS            (314)
civil qui sont en mon estude, mes petites Decretales, mon Siziesme et Clémentines qui sont en unvolume, Jesselin, Guillaume de Montlaudun sur les Clémentines, Digne de Regalibus juribus (corr, de Regulis juris), Mandagot, Compostolain, un vielz Asse rongié, mon livre de Sentences, un petit livre rouge qui se commancé : Incipit natàbiUum hystoriaritm, une vieille Martiniane, un viel Oroze de Honneste, mundi, un petit Tulle, mes Euvangiles et mes Epistres saint Pol glosées, et veul qu'ilz soient joint en leur librarie. Et oultre leur laisse tous mes livres de papier, fors ceulx dont je dispose particulierement.
Item, je laisse aux escoliers de Dormans Origenes sur le Vieil Testa­ment, un livre d'astronomie couvert de noir, un livre de questions de theologie qui se commancé: Sicut vita, Macrobe de Sompno Cypionis el Architrivimn.
Item, à messire Pierre Bardin, mon chappellain, s'il demeure avec moy quant je morray, unes petites Decretales rouges qu'il a par devers lui, ma Legende dorée, un livre de sermons qui se commancé : Fecit Salomon, et lui quicte ce qu'il me doit.
Item, à chapitre de Soissons mon livre de Lira qui est en quatre vo­lumes, mes Concordances sur la Bible qui seront mis ou cuer, et soit joint à l'autre légat cy dessus, et un livre que l'en dit Rationale divino-rum, afin de mieux faire ce que j'ay ordonné.
Item, aux religieux d'Essomes mon Speculum historiale qui est en mi volumes, Hugonemde Sacramentis, Summamdeviciis,Summam de vir* tutibus, un livre de sermons qui se commancé: Notandum, mon psaul-tier glosé, qui soient joint à l'autre lais pour mieux faire ce que Jay ordonné.
Item, à l'Eglise de Paris mon Catholicon, qui soitmisoù l'autre estoit.
Item, à maistre Jehan Vie mon Histoire scolastique.
Item, un petit livre appellé Alain de Planctu nature soit rendu aux religieux de Saint Jehan des Vignes, si non reddidero prout proposai.
Item à Perrin Josse, mon clerc et serviteur, l'Exposition en françois sur le livre de Civitate Dei, mon livre de la Rose, Boece de Gonsola-cion en françois par metlres, mon psaultier à cloux.